D’Coursen an der Basisbildung si gratis.
Se ginn op Lëtzebuergesch, Franséisch, Däitsch oder Portugisesch ugebueden.
Besser schreiwen, liesen a rechne léieren
Dës Course riichte sech:
- u Persounen, déi e Parcours scolaire gemaach hunn an hir Basiskompetenze wëllen erweideren:
- liesen,
- schreiwen,
- rechnen,
- an enger Welt navigéieren, déi ëmmer méi digitaliséiert ass,
- u Persounen, déi Ufänger an der Alphabetiséierung op Däitsch, Franséisch oder Portugisesch sinn.
D’Coursë ginn a verschiddene Regioune vum Land ugebueden:
- Belval
- Ettelbréck
- Iechternach
- Kierchbierg
- Miersch
- Waarken
- Wolz
Nei Sessioune ginn zu verschiddenen Zäiten am Joer op. Et kann een duerchaus mat Coursen am lafenden Trimester ufänken.
D’Admissioun erfollegt no enger Séance de guidance, an där déi individuell Kenntnisser an de perséinleche Projet vun den Apprenantë berücksichtegt ginn.
Fir weider Informatioune kënnt Dir op d’Telefonsnummer (+352) 80 02 99 99 uruffen (anonym a gratis).
De Léierrhythmus gëtt un déi perséinlech Situatioun ugepasst. E kann tëschent zwou a sechs Stonnen d’Woch variéieren.
D’Basiskompetenze sinn e stabilt Fundament fir spéider, méi autonom a méi fortgeschratten Apprentissagen.