D’Jugendpolitik zu Lëtzebuerg fält an den Zoustännegkeetsberäich vum Ministère fir Educatioun, Kanner a Jugend. D’Aktioun vum Ministère ass drop ausgeriicht, d’Jugend ze stäerken, hir Liewensbedéngungen ze verbesseren an hir Participatioun un der Gesellschaft ze fërderen.
De Ministère:
- ënnerstëtzt d’Jugendorganisatiounen, d’Jugendservicer an d’Organisatiounen, déi sech fir d’Jugend asetzen;
- schaaft eng Kultur vun der Participatioun a verstäerkt den Engagement an d’Participatioun vun der Jugend op allen Niveauen: bei politeschen Entscheedungen, um lokale Plang an direkt iwwer de Wee vun alternative Formen an der Schoul;
- verstäerkt d’Roll vun der Jugendaarbecht am Beräich vun der politescher Bildung;
- entwéckelt Instrumenter fir d’politesch Participatioun, déi un d’Jugend ugepasst sinn;
- baut d’Synergien an d’Zesummenaarbecht tëschent deenen eenzelen Acteuren aus;
- fërdert e strukturéierten an oppenen Dialog.
Hei fannt Dir weider Informatiounen: