Elteren, Tuteuren, Léierpersonal an Akteuren aus dem Bildungsberäich kënnen eng gratis Ënnerstëtzung vun engem interkulturelle Mediateur ufroen.
D’Mediateuren hëllefen de Schüler, déi nei am Land sinn, an hiren Elteren a follgende Situatiounen:
- beim éischten Accueil iwwersetzen se Informatiounen iwwer dem Schüler säi schoulesche Parcours an sengem Heemechtsland,
- si iwwersetze bei Gespréicher tëscht Elteren a Léierpersonal zum Beispill,
- si hëllefe punktuell oder reegelméisseg an der Klass asw.
Am Allgemenge suergen d’interkulturell Mediateure fir eng besser Kommunikatioun tëscht de Famillen, de Schüler an den Akteuren aus dem Bildungssektor an assuréieren, datt sech d’Parteie géigesäiteg verstinn.
D’Demande fir interkulturell Mediatioun muss online gemaach ginn. All Ufro fir interkulturell Mediatioun muss op d’mannst siwen Aarbechtsdeeg virum gewënschten Datum vun der Interventioun gemaach ginn.
Op der Websäit portal.education.lu/sia fannt Dir ënner anerem:
- eng Lëscht vun de 40 Sproochen a Sproochvarianten, déi vun den interkulturelle Vermëttler ugebuede ginn,
- de Link op de Formulaire de demande fir interkulturell Mediatioun (op Franséisch),
- de Link op de Feedback-Formulaire (optional).