Déi berufflech Weiderbildung stellt eng gréisser Erausfuerderung duer, well d’Aarbechtswelt sech kontinuéierlech verännert. Iwwer d’Grondausbildung eraus erlaabt si et, en Diplom ze kréien, seng Kenntnesser a Kompetenzen ze vervollstännegen oder ze perfektionéieren, sech berufflech nei ze orientéieren, am Beruff weiderzekommen, sech mat den neien Technologië vertraut ze maachen asw.
Déi berufflech Weiderbildung adresséiert sech virun allem un:
- déi Leit, déi hir Studien oder Grondausbildung net fäerdeg gemaach hunn;
- déijéineg, déi en DT, DAP oder CATP hunn a sech gären op e Meeschterbréif virbereede wëllen;
- déi Leit, déi eng Aarbecht sichen an hir Chancen op eng Plaz wëlle verbesseren;
- déijéineg, déi eng berufflech oder technesch Ausbildung hunn, ma sech doranner weiderbilde wëllen, fir kënnen hir Aarbechtsplaz ze behalen, hir Wettbewerbsfäegkeet ze vergréisseren, sech berufflech nei ze orientéieren asw.