Interkulturell Mediateuren

Elteren, Léierpersonal a schoulesch Autoritéite kënne gratis d’Ënnerstëtzung vun engem interkulturelle Mediateur ufroe fir d’Sproochen Albanesch, Arabesch, Bosnesch/Kroatesch/Monteneegresch/Serbesch, Bulgaresch, Chineesesch, Filipino, Hollännesch, Italieenesch, kapverdescht Kreol, Koreanesch, Persesch, Polnesch, Portugisesch, Rumänesch, Russesch, Slowakesch, Spuenesch, Tschechesch, Türkesch, Ukrainesch, Ungaresch, Vietnameesesch a Wolof/Mankanjesch (aner Sproochen op Ufro).

D’Mediateuren hëllefen den auslännesche Schüler an hiren Eltere beim éischte Gespréich fir eng Aschreiwung, si iwwersetzen d’Informatiounen iwwer déi Schoulen, déi de Schüler a senger Heemecht gemaach huet, si sinn zoustänneg fir mëndlech Iwwersetzungen, z. B. bei Gespréicher tëscht den Elteren an den Enseignanten, si bidde punktuell oder reegelméisseg Hëllef an der Klass asw. Am Allgemengen erliichteren si d’Kommunikatioun an dat géigesäitegt Verständnes tëscht de Famillen an dem Schüler op där enger Säit an de schouleschen Akteuren op där anerer Säit.

D’Ënnerstëtzung vun engem interkulturelle Mediateur kann online iwwer dëse Formular ugefrot ginn.

Weider Informatioune kënnt Dir per Telefon, Fax oder E-Mail ufroen: Tel. (+352) 247-85909; Fax: (+352) 247-85196, mediateurs@men.lu

Aktualiséiert