D’Editioun 2024 vun EduTrends, der grousser Konferenz iwwer d’Tendenzen an der Educatioun, war voll a ganz op d’Digitalitéit axéiert.
EduTrends Digitalitéit ass e Podcast vum Ministère fir Educatioun, Kanner a Jugend, dee sech mat de Chancen an Erausfuerderunge vun der Digitalisatioun an der Bildungslandschaft a mat den digitale Kompetenze beschäftegt, déi an der Schoul entwéckelt ginn.
#1 Vum richtegen Ëmgang mat Ecranen
Dës Folleg vum Podcast EduTrends Digitalitéit (op Franséisch) dréit sech ëm de richtege Gebrauch vun Ecranen, mat Theeme wéi Bildschiermzäit, d’sozial Medien, d’Sécherheet am Internet an déi digital Resilienz. Et diskutéieren:
- Véronica Rocha, Coordinatrice beim Service communication du Centre psychosocial et d’accompagnement scolaires (CePAS);
- Carmen Weyer, Pedagogin beim Kanner-Jugendtelefon a bei BEE SECURE;
- Timothy O’Brien, Vizepresident bei der Conférence nationale des élèves du Luxembourg (CNEL).
#2 KI an der Educatioun
Dës Folleg vum Podcast EduTrends Digitalitéit (op Däitsch) behandelt d’kënschtlech Intelligenz an der Bildungslandschaft. Et diskutéieren:
- Dr. Isabell Baumann, Fuerscherin iwwer digital Educatioun a Fuerschung op der Uni Lëtzebuerg;
- Claude Meisch, Minister fir Educatioun, Kanner a Jugend;
- Pavle Madzirov, Schouldirekter an Auteur vu Bestseller iwwer kënschtlech Intelligenz an der Educatioun.
#3 Léiere mat digitale Medien
An dëser Folleg vum Podcast EduTrends Digitalitéit (op Lëtzebuergesch) geet et ëm d’Digitaliséierung an der Bildungslandschaft. Et diskutéieren:
- Dr. Bob Reuter, Proff a Fuerscher op der Universitéit Lëtzebuerg;
- Chris Krier, Schoulmeeschter mat Spezialisatioun op digital Kompetenzen;
- Daniela Hau, Head of Innovation beim Service de coordination de la recherche et de l’innovation pédagogiques et technologiques (SCRIPT).