Zu Lëtzebuerg kréien iwwer 50 000 Schülerinnen a Schüler eng ganz divers ëffentlech Offer vu Lycéeën an internationale Schoulen ugebueden.
Froen zum Lycée ass e Podcast vum Ministère fir Educatioun, Kanner a Jugend, deen Iech hëlleft, déi Choixen ze treffen, déi de Bedierfnesser an Interessie vun Ärem Kand am beschten entspriechen.
#1 National oder international ëffentlech Schoul?
An der éischter Folleg vu Froen zum Lycée (op Lëtzebuergesch) stelle mir Iech déi ëffentlech Schouloffer vun de Lycéeën zu Lëtzebuerg vir an erklären Iech den Ënnerscheed tëscht den nationalen an den internationale Schoulprogrammer.
Zum Thema schwätzen des Experte vum Ministère fir Educatioun, Kanner a Jugend:
- Max Theis vum Service de la formation professionnelle;
- Mike Engel vun der Maison de l’orientation;
- Joëlle Garavelli vum Service de l’enseignement secondaire;
- Robert Hendel vum Service des offres internationales et européennes.
#2 Klassesche Lycée oder Général?
An der zweeter Episod vu Froen zum Lycée (op Lëtzebuergesch) erkläre mir Iech den Ënnerscheed tëscht dem Enseignement classique an dem Enseignement général an de Lycéeën, déi den nationale Schoulprogramm ubidden.
Zum Thema schwätzen des Experte vum Ministère fir Educatioun, Kanner a Jugend:
- Claude Karger vum Service presse et communication;
- Annick Hoffmann vum Service de l’enseignement secondaire;
- Mady Weber vum Service de l’enseignement secondaire.
#3 Wéi eng 7e fir mäi Kand?
An der drëtter Folleg vu Froen zum Lycée (op Lëtzebuergesch) erkläre mir Iech all déi méiglech Optioune fir Schülerinnen a Schüler, déi op 7e a Lycéeë ginn, déi den nationale Schoulprogramm ubidden.
Zum Thema schwätzen des Experte vum Ministère fir Educatioun, Kanner a Jugend:
- Max Theis vum Service de la formation professionnelle;
- Joëlle Garavelli vum Service de l’enseignement secondaire;
- Max Conzemius vum Service de l’enseignement secondaire.
#4 Wat fir e Lycée fir Schüler aus dem Ausland?
De véierten Episode vu „Froen zum Lycée” (op Franséisch) erkläert d’Méiglechkeeten, déi Studenten aus dem Ausland hunn, fir e Lycée zu Lëtzebuerg ze besichen, egal ob dësen en nationalen oder en internationale Programm ubitt.
Zum Thema schwätzen des Experte vum Ministère fir Educatioun, Kanner a Jugend:
- Isabelle Conotte vum Service presse et communication;
- Mike Engel vun der Maison de l’orientation;
- Marco de Oliveira vum Service de l’intégration et de l’accueil scolaires (SIA).