Aktiounsplang fir d’Lëtzebuerger Sprooch

Den Aktiounsplang baséiert op den Erfarunge mat der Ëmsetzung vun der Strategie, déi d’Regierung 2017 decidéiert hat, an op de Conclusiounen aus den Diskussiounen ëm d’Promotioun vum Lëtzebuergeschen, mat de Bierger, mat Vertrieder aus de Ministèren a mat Experten.

Den Educatiounsminister Claude Meisch huet am Juni 2022 d’Mesurë fir den Aktiounsplang mat de Bierger op enger Sproocheronn op véier Plazen am Land, op engem Internet-Forum a mat Schülerinnen a Schüler diskutéiert. Den Aktiounsplang baséiert op:

• dem Bilan vun de Mesurë vun 2017;
• de Propositioune vun de Bierger aus der Sproocheronn;
• de Constaten aus den Administratiounen;
• den Avise vun Experten.

An dësem Dokument sti resuméiert d’Conclusiounen aus deenen Erfarungen an déi onkommentéiert Aussoen, déi bei de Consultatioune gemaach goufen.