D’Wanderausstellung „D’Lëtzebuerger Sprooch(en)“ vum Zenter fir d’Lëtzebuerger Sprooch (ZLS) versteet sech als Invitatioun, fir sech mat Sprooch a Sproochen auserneenzesetzen.
D'Ausstellung geet vum Juli bis November 2023 op Tour duerch d'Land. Hei di eenzel Terminer am Iwwerbléck:
- 12. bis 22. Juli 2023: Belle Étoile (route d'Arlon, Bertrange)
- 5. bis 9. August 2023: Ëlwen (Troisvierges / Ulflingen)
- 3. bis 9. September 2023: Miedernach (Sportshal, Millewee; L-7661 Medernach)
- 29. September bis 4. Oktober 2023: Forum Geesseknäppchen (40, bd Pierre Dupong; L-1430 Luxembourg-Hollerich)
- 23. Oktober bis 10. November 2023: Institut national des langues Luxembourg (21, bd de la Foire; L-1528 Luxembourg)
- 14. Oktober 2023: Naturmusée – am Kader vun der „Nuit des Musées“ (25, rue Münster; L-2160 Luxembourg)
- 19. bis 22. Oktober 2023: Arel (Belsch) am Palais, am Kader vun de Journées des langues et des cultures (Place Léopold; B-6700 Arlon)
- 23. Oktober bis 10. November 2023: Institut national des langues Luxembourg (21, bd de la Foire; L-1528 Luxembourg)
- 10. bis 29. Januar 2024: Déifferdeng (Aalt Stadhaus; 38, avenue Charlotte; L-4530 Differdange)
- 15. bis 25. Mäerz 2024: Marnech (Nordstrooss Shopping Mile; 2, Marbuergerstrooss; L-9764 Marnach)
- 6. bis 10. Mee 2024: École de Commerce et de Gestion (21, rue Marguerite de Brabant; L-1254 Luxembourg-Hollerich)
Weider Datume kommen nach bäi. Interesséiert, fir d’Ausstellung och bei Iech ze weisen? Gemengen, Schoulen, Veräiner… kënne sech beim ZLS mellen (E-Mail: expo@lod.lu).
D’Visitt vun der Expo ass gratis.
Den Titel vun der Ausstellung „D’Lëtzebuerger Sprooch(en)“ ass bewosst méideiteg a soll déi komplex Sproochesituatioun zu Lëtzebuerg erëmspigelen. D’Ausstellung befaasst sech ë. a. mat den Theemen: Méisproochegkeet, sproochlech Varietéiten, Geschicht, Sproochwandel, Lëtzebuergesch an der Literatur an an de Medien. Méi konkreet ginn an dräi Statioune follgend Aspekter ënner d’Lupp geholl:
- Méisproochegkeet zu Lëtzebuerg
- Wat ass Lëtzebuergesch a wéi funktionéiert d’Sprooch hautdesdaags?
- Wéi gëtt eng Sprooch gemaach?
D’Wanderausstellung besteet aus véier Modüllen, déi ee kann opklappen an déi eng Fläch vu ronn 120 m² an Usproch huelen. D’Texter si véiersproocheg – op Lëtzebuergesch, Däitsch, Franséisch an Englesch –, esou datt Kenntnisser am Lëtzebuergesche keng Viraussetzung sinn, fir d’Ausstellung kënnen ze suivéieren.
